Home
 

Amari biblioteka

Sikavasame

La Szent-Györgyi Albert Teluna Shkolaki biblioteka ande 2001-to bersh kerdas anda palyazatoske love. Atunchi duj  bersh sar bibliotekaki soba kerdam kothe butyi. Amari biblioteka kathar 2005-to bersh si pe amara shkolaki galeria po angluno etazho. Lako baripe si 129 m2. Si kothe ginadyange sobi thaj informatikake sobi thaj galeria. Andej biblioteka duj bibliotekarici keren butyi ande 22 chasura. Anda amari biblioteka shaj len avri ginadya le sityara, le sityimaske shave thaj lenge nyamura. Von chi trubul te potyinen pala le ginadya. Ame andre iskirisaras lenge personalne informaciji ande bibliotekaki ginadyi, das lenge ginavipesko bileto thaj von tela iskirisaren kado bileto.

Le manusha shaj ginaven le ginadya andej biblioteka, shaj ingren le ginadya khere thaj vi grupura shaj aven kathe. Le dokumentumura numa khere shaj ingren.

Akanak 768 manusha phiren ande amari biblioteka, mashkar lende si 90 mursh thaj zhuvlyi, 678 shave.

Si ande amari biblioteka ginadya, magazinura, CD-ura, DVD-ura, videovoske dokumentumura. Le ginadyange 92 percentura si pel polcura. Si kothe ungrica thaj kaver themeske ginadya thaj kade maj dur. Andel komputerosko SZIREN programo si aba majbut 11000 ginadya.

Amari biblioteka:

-         le sityimaske shave zhanen te sityon kathe korkorro

-         si kathe kulturake programura

-         shaj peren le shave pengi slobo vrama kathe

-         shaj sityon andej biblioteka

Amara bibliotekaki legmajfontosho butyi te sikavel le manushenge la ungrickona, la kaver themeska kulturake kinchura. Te del lenge informacija thaj zhanipe. Te del shajipe kaj e kultura, kaj o sityipe,  kaj e slobodo vrama. Te zhutisaren le shavorenge, hoj von te kamen te ginaven.

Amari legmajfontosho butyi si kado te kamaras le shavorenca o ginavipe. Ame kethane keras butyi le Zounok II. palyazatosa. Ande sa bersh keras le „ Könyvcimborák klubja „ ginavipeski ekskursija.

Karing amare celura:

-         ande sako bersh but ginadya kinas

-         das unzhule ginadya vi kavre bibliotekange

-         moderni komputerura kinas lashe programonca

-         das informaciji thaj dokumentumura le manushenge

Das dokumentumura:

-         kaj chasura: vorbara, butyako kidipe, CD-ura, DVD-ura

-         kaj o sityipe: ginadya, kaver  ginadya, sityimaske ginadya, zhutipe kaj le projektura

Elektronikake slugaripe:

-         bibliotekaki nyevipe, kulturako nyevipe, bibliotekako pinzharipe, programura, historijake informaciji, fotovosko albumo, kaver webosko slugaripe

Sziren bibliotekako bazisho

-         ande 24 chasura elektronikako bazisho, online unzhulipe

Andel informatikake sobi 18 moderni komputerura zhutin le sityimaske shavorenge thaj le sityarenge. Von bara vojasa hasnin anda palyazatoske love kinde komputerura. Le komputerura  si kapchipe po interneto, kade von shaj kiden informaciji.

Ame aba kathar 2005-to bersh keras la elektronikaka shkolake kiposko bazisho, so kathar amaro websajto shaj resen le manusha.


Top